Նորություններ

Գումարները բանկերում պահելը դառնում է էլ ավելի գայթակղիչ

Գումարները բանկերում պահելը դառնում է էլ ավելի գայթակղիչ

ՀՀ բանկերի միությունից հայտնում են, որ դեկտեմբերի 1-ից ուժի մեջ են մտնում երաշխավորված ավանդների նոր սահմանաչափեր։

 

«Ֆիզիկական անձանց բանկային ավանդները երաշխավորելու մասին» ՀՀ օրենքում իրականացված փոփոխությունների համաձայն՝ սահմանվում են երաշխավորված ավանդների հետևյալ չափերը՝

Միայն դրամային ավանդի դեպքում` 16 միլիոն դրամ՝ նախկին 10 միլիոն դրամի փոխարեն:

Միայն արտարժութային ավանդի դեպքում` 7 միլիոն դրամ՝ նախկին 5 միլիոն դրամի փոխարեն:

Եթե ունեք միաժամանակ և՛ դրամային, և՛ արտարժութային ավանդներ, և դրամային ավանդի չափը 7 միլիոն դրամից ավելի է, ապա երաշխավորվելու է միայն դրամային ավանդը՝ մինչև 16 միլիոն ՀՀ դրամի չափով:

Եթե ունեք միաժամանակ դրամային և արտարժութային բանկային ավանդներ, և Ձեր դրամային ավանդի գումարը 7 միլիոն դրամից պակաս է, ապա երաշխավորվում է դրամային ավանդն ամբողջությամբ և արտարժութային ավանդը՝ 7 միլիոն ՀՀ դրամի և հատուցված դրամային բանկային ավանդի տարբերության չափով:

 

Առավել մանրամասն նյութի հետ կարող եք ծանոթանալ այստեղ։

Plus
Share