2025թ․ առաջին կիսամյակում 1000 խոշոր հարկ վճարողների ցանկը հասանելի է
Պետական եկամուտների կոմիտեն հայտնում է, որ հարկային մարմնի կողմից հրապարակվել է 2025 թ. հունվար-հունիս ամիսների ընթացքում առաջին 1000 խոշոր հարկ վճարողների կողմից վճարված հարկերի և վճարների վերաբերյալ տեղեկատվությունը:
1000 խոշոր հարկ վճարողների կողմից 2025 թվականի հունվար-հունիս ամիսների ընթացքում պետական բյուջե ընդհանուր առմամբ վճարվել է ավելի քան 986 միլիարդ 71 միլիոն դրամ, նախորդ տարվա նույն ցուցանիշը կազմել է 900 միլիարդ 401 միլիոն դրամ, կամ ավելի է հավաքագրվել 85 միլիարդ 670 միլիոն դրամ:
Հարկային մարմին կատարված վճարումների գումարը կազմել է ավելի քան 819 միլիարդ 419 միլիոն դրամ, նախորդ տարվա նույն ցուցանիշը կազմել է 766 միլիարդ 148 միլիոն դրամ կամ ավելի է հավաքագրվել 53 միլիարդ 271 միլիոն դրամ։ Մաքսային մարմին կատարված վճարումների գումարը կազմել է ավելի քան 166 միլիարդ 651 միլիոն դրամ, նախորդ տարվա նույն ցուցանիշը կազմել է 134 միլիարդ 253 միլիոն դրամ, կամ ավելի է հավաքագրվել 32 միլիարդ 398 միլիոն դրամ։
Ցանկը գլխավորում է «Մոբայլ սենթր արթ» ընկերությունը 32 մլդ 919 մլն 577 հազար դրամ վճարած հարկով։
Երկրորդ հորիզոնականում «Գրանդ տոբակո» ընկերությունն է, որը նշված ժամանակահատվածում վճարել է 30 մլդ 461 մլն 235 հազար դրամ հարկ։
Երրորդ հորիզոնականում հայտնվել է «Գազպրոմ Արմենիա» ընկերությունը՝ վճարելով 28 մլդ 41 մլն 107 հազար դրամ հարկ։
1000 խոշոր հարկ վճարողների վերաբերյալ ցանկը հասանելի է ՊԵԿ պաշտոնական կայքի «Հարկ վճարողների վերաբերյալ տեղեկատվական ցանկեր» բաժնում:
