Կախված հանրային սննդի ոլորտում գործունեության իրականացման վայրի սպասարկման սրահի մակերեսի չափից, հանրային սննդի ոլորտում իրականացվող գործունեությունը կդադարի հարկվել արտոնագրային հարկով
Համաձայն ՀՀ հարկային օրենսգրքի՝ 2018 թվականի հունվարի 1-ից արտոնագրային հարկով հարկման օբյեկտ չեն համարվում հանրային սննդի ոլորտում իրականացվող գործունեությունը, եթե այդ գործունեության իրականացման տվյալ վայրի (հանրային սննդի օբյեկտի) սպասարկման սրահի (սրահների) մակերեսը գերազանցում է 100 քառ.մետրը: Սույն կետի կիրառության իմաստով՝ սպասարկման սրահի մակերեսի 100 քառ.մետրի շեմը հարկային տարվա ընթացքում գերազանցելու դեպքում հանրային սննդի ոլորտում իրականացվող գործունեությունը դադարում է համարվել արտոնագրային հարկով հարկման օբյեկտ շեմը գերազանցելու պահից մինչև տվյալ հարկային տարվա ավարտը՝ հաշվի չառնելով մինչև հարկային տարվա ավարտը տվյալ գործունեության իրականացման վայրում հանրային սննդի սպասարկման սրահի մակերեսի փոփոխությունները:
Մանրամասներին կարող եք ծանոթանալ ՀՀ հարկային օրենսգրքի 276 հոդվածի 3-րդ կետի 2-րդ ենթակետով և 444 հոդվածով: